السلام عليكم وررحمة الله وبركاته
قبل كل شي هذا اجتهاد مني ومن تجارب الحمدلله بس الله يوفقكم بنات ادعولي ان الله يسهل لي حاجتين ببالي ان شاء الله ماطلع من النفاس الاهم متحققات وبسهوله يارب
الفتره الاولى من النفاس
اول خمس ايام
هي ايام راحه مطلقه لك عشان عضامك تلتم لازم هالايام اقصى جهد تسوينه هو انك ترضعين طفلك
اذا تعبتي نفسك راحه تحسين انك متفككه حتى بعد الاربعين
بالفتره هذي تجنبي الخلطات وغسولات الحريم اذا رحتي للحمام تستخدمين ماء دافي فقط الاكل يابنات هو اهم شي بهذي الفتره وكثري من الكباب واللحوم البيضاء والحليب والقرصان
افضل مشروب المفروض ماينقطع عنك فترة نفاسك هم اثنين
الاول قهوة الحوايج ومكوناتها(قشر قهوه+يانسون+كمون+حبة الحلوه وناس يسمونها شمر+قرفه+زنجبيل)
والمشروب الثاني
حليب تغلينه وتضيفين له فلفل ابيض وطعمه لذيذ مره وفوايده رهيبه بتنزيل بلاوي بعد الولاده الحراره تضويق المنطقه
الخمس ايام الثانيه
تبداين فيه بالحركه الخفيفه لان البقاء فتره جلوس طويله يسبب تجلط بالارجل اكرمي نفسك بالاكل لاتنسين المشروبين اللي قلت لك عليهم يابنات العشر ايام ذي مهم جدا مسالة الاكل
العشر الايام الثانيه
تجيبين لك قماش قطن او مشد طويل وتبداين تلفين بطنك وبشرح لكم طريقة اللف تنزلين ملابسك وتحطين اصبعك على عضمة الخصروانزلي بعدهها اربع اصابع او ثلاثه يعني فوق المنطقه الحساسه وتبداياين باللف من جهة عضمة الخصر وانتي تلفين اشفطي بطنك للداخل عشان لاتتصفط وتسبب عرق حكه احمرار وطول مانتي تلفين خلي الضغط للاعلى يارب تكونو فهمتو بنات انا الفه وانا منسدحه واكون كمان شافطه بطني لما اجلس احسه ماسك جسمي تمام
طبعا لان التربيط صعب فماراح تفكينه الا كل يومين تمسحين فيها جسمك وتغسلينه وترجعين تلبسينه او تلبسين واحد ثاني
المهم هذي الطريقه تخليك ماكانك حملتي وولدتي ماشاء الله
خمسة عشر يوم
ذي خمستعش الخلطات
خبصي اللي تبين
خلطات تبييض خلطات توحيد اهتمي بشعرك واهم شي ياحلوات المنطقه الحساسه ادهرو فيها لكن نصصصصصيحه تجنبو بعض خرابيط الحريم الارطا وقشر الرمان سووووواد تعرفون وشو سواد
الشبه التهابات واىنتفاخات
التحاميل اللي فيها عسل وملح التهابات وارتخاء بالمهبل وانعدام الرغبه الجنسيه
انا معتمده عدة اشياء انتي شوفي شي تكوني بنفسك مجربته
يعني مانبي كسل ابدا العشر ايام ذي دلعو فيها نفسكم
اخر خمسة ايام
مع الاستمرار على الخلطات يبدا وقت الحصاد يعني النتيجه راح تبان اخر خمس ايام من الاربعين البطن البشره الشعر المنطقه الحساسه
والحين روحي للمشغل قصي واصبغي واخرمي وانقشي وتزيني لزوجك
اشياء بسيطه وحلول سهله لكن نغفل عنها
الكحل بالعين له علاقه بدخول الهواء تسالوني شلون اقولكم مدري بس هذي توصيات جدتي الله يطول بعمرها ويشفيها لبناتها وبنات بناتها وتعودنا عليها اللي تولد تحط كحل اثمد او اي كحل جوى العين
وكذلك المناكير
وبالنسبه لي كنت امل مرره من الطرحه لانها تذبحني بالحر فكانت امي تلفها لي زي من ورى الاذن وتربطها ورى الرقبه فهمتو زي الفلاحات احط باذاني قطن او منديل بكذا يكون راسي مغطى واذاني بدون مايدخلني هوا
يابنات ترى موو لازم شراب طويل وتموتون حر البسي حق السيراميك حبتين فوق بعض اهم شي تغطي بطن القدم وحطو مناكير على ااضافر القدم
بنات طبعا انا كنت استخدم مشد طويل لكن ناويه بحملي ذا اجرب مشد حليمه اللي جربته تعلمنا وهل له نفس النتايج
منقوووووول
الرئيسية 
