الحل الأكيد لأزالة الامونيا والملمس المتخشب بعد الصبغه(تجربه ناجحه ولله الحمد)

السلام عليكم ورحمة الله وبركاته
مرحبا خواتي الحبيبات


غالبية البنات يحبون يغيرون الوان شعورهم بالاصباغ الكيماويه <<<بس يتنكدون بعدها بسبب النشووفه والجفاف والتشابك الرهيب
انا كانت الاصباغ لي من اشد الأعداء لأسباب
لان ولائي للحنا
الشي الثاني نادر اشوف صبغه جميله الغالبيه العضمى متشابه نادر من يتميز<<<<كني اقلعت ونسيت الموضووع

الحاصل اني بعد ماطلعت النفاس ببنوتتي فكرت بالصبغه وهذي تقريبا ثاني او ثالث مره اصبغ وانا كان عهدي قريب بالحنا بس اضطريت كرمال الشيبات
صبغت وياليـتـ (مع انها ماتنفع)ـي ماصبغت
الشعر ياااابس بعد ماكان ناااااااعم واللون بااايخ....وانواع التساااقط والتشابك
دورت حلول بدون فايده اصلا حتي الزيوت لاحطيتها احسها ماتدخل جوا الشعره هذا غير وقت الغسيل احس اني اغسل خصلات من خشب>>>>>عاد مادري وشلون تجي حلوها انتم
المهم اني دايما اقراء عن خلطة الدكتور مبارك الأشقر...
قلت طيب انتي دايم تقري عن هالخلطه ومانتي مقتنعه جربي منتي خسرانه شيء
والله وانا اتوكل على الله واجربها

والنتيجه





>>>فيس يبكي من الفرحه



50٪ تحسن بملمس الشعره(يارب جزاك الحمد والثناء)

ومن بكرا حطيت بقية الخلطه (كنت حاطتها بالثلاجه لان الكميه كانت كبيره علي وخفت من ربي ارميها)

والنتيجه70٪ رجع الشعر لطبيعته مع وجود نفشه بس عااااااااادي اهم شي الشعر يلتف بيديني مو يابس


والله من الوناسه حطيت على شعري حنا وبعده بحط كتم وتوووووووبه

معليش قلت القصه وماقلت الوصفه

اضغطي هنا لمشاهدة الصورة بحجمها الأصلي








كوب عصير كيوي طبيعي(تقريبا3 حبات)

وكوب عصير برتقال طبيعي(تقريبا2 حبتين كبار)

وكوب عصير تفاح طبيعي(تقريبا 3 حبات وسط او حبتين كبار)
انا خليتها من ثلاث الى اربع ساعات

ان شاء تستفيدون مثل مااستفدت

ودعواتكم بظهر الغيب

منقووووووووووول